Bismillaahirrahmaanirrahiim.
Assalamu'alaikum Warahmatullahi
Wabarakaatuh
Sakderengipun
sumangga sesarengan ngunjukaken puja puji syukur dhateng ngarsanipun Gusti
Ingkang Maha Agung ingkang sampun paring rahmat saha barokah dhateng kula lan
panjengan sedaya saestu wonten ing ndalu menika kula lan panjenengan sedaya
saged kempal mboten manggihi alangan setunggal menapa.
Para
rawuh Bapak Ibu lan sadherek sedaya ingkang kula kurmati. Keparenga kula matur
wonten ngarsa panjenengan sedaya minangka wakil saking para
kadang muda Gamping Lor.
Ingkang
sepisan keparenga ngaturaken sungkem pangabekti dhumateng ngarsanipun para
rawuh ingkang kaleres sepuh, saha ingkang kasepuhaken, lan dhumateng sesami-sami
menapa dene ingkang kaleres enem, kula ngaturaken salam taklim lan sih
katresnan.
Ingkang
angka kalih, ngaturaken sugeng riyadi idul fitri 1438 Hijriah, kairing atur
taqobbalallohu minna wa minkum, taqobbal yaa kariim, minal aidzin wal faizin.
Ingkang
angka tiga, ngaturaken sedaya kalepatan kula sakanca, ingkang kasengaja lan
mboten kasengaja, saha ingkang taksih kabatin, ingkang sedaya wau, boten
pikantuk idining sarak agami, mugi-mugi panjenengan sedaya, kersa paring
pangapunten, dhumateng kula sakanca.
Kosok
wangsulipun, mbok bilih panjenengan sedaya, kagungan kelepatan dhumateng kula
lan sakanca, kula lega lila caos pangapunten, sedaya kelepatan panjenengan. Lan
saklajengipun mugi-mugi anggenipun gesang bebrayan mliginipun wonten padukuhan
Gamping Lor mriki tansah guyub lan rukun sedayanipun.
Ingkang
pungkasan, kula sakanca nyuwun tambahing donga pangestu mugi-mugi menapa
ingkang dados panjangka kula sakanca tansah pinaringan barokah saking Gusti
Ingkang Maha Kuwaos.
Mekaten
ingkang saged kula aturaken minangka wakil saking kadang muda Gamping Lor,
mbokbilih wonten klenta-klentuning atur kula nyuwun agunging pangapunten.
Wabillahi Taufiq
Walhidayah
Wassalamualaikum Warahmatullahi Wabarakatuh
